Parañaque City — Timbog ang tatlong pusher sa buy-bust ng mga operatiba ng Southern Police District kung saan tinatayang Php102,000 halaga ng shabu ang kanilang nakumpiska nitong Martes ng gabi, May 24, 2022.
Kinilala ni SPD Director, Police Brigadier General Jimili Macaraeg ang mga suspek na sina Alexander Cruz Racca (Street Level Individual pusher), 40; Victor Cruz, 29; at Richard Tubugan Olindo, 42, at isang security guard.
Ayon kay PBGen Macaraeg, naaresto ang tatlo sa kahabaan ng NAIA Aveue, Brgy. San Dionisio, Parañaque City dakong alas-8:00 ng gabi ng mga tauhan ng District Drug Enforcement Unit kasama ang District Intelligence Division at District Mobile Force Battalion.
Narekober sa mga suspek ang apat na heat-sealed transparent plastic sachet na humigit-kumulang 15 gramo na hinihinalang shabu at nagkakahalaga ng Php102,000, at Php500 buy-bust money.
Sinampahan ng paglabag sa Sec 5 at 11 sa ilalim ng Art II ng RA 9165 o Comprehensive Dangerous Drugs Act of 2002.
Nangako si PBGen Macaraeg na ang kanyang hanay ay mananatili sa kanilang pagsasagawa ng anti-illegal drug operations nang matigil na ang kalakalan ng droga sa kanyang nasasakupan.
Hinikayat din nya ang publiko na tumulong sa mga awtoridad sa pamamagitan ng pagbibigay impormasyon tungkol sa mga aktibidad ng ilegal na droga sa Southern Manila.
Source: SPD PIO
