Arestado ng mga otoridad ang tatlong miyembro ng Communist Terrorist Group (CTG) sa isinagawang operasyon ng mga awtoridad sa Sitio Kuhuban, Barangay Manag, Conner, Apayao noong ika-8 ng Oktubre 2024.
Ayon Kay Police Colonel Arnold D Razote, Provincial Director ng Apayao Police Provincial Office, ang operasyon ay naging matagumpay dahil sa pinagsamang puwersa ng 98 Infantry Battalion at Division Reconnaissance Company, Special Armed Forces of the Philippines, Regional Mobile Force Battalion 15, Apayao Police Provincial Office.
Nakatanggap ng impormasyon ang mga nasabing operatiba hinggil sa presensya ng mga miyembro ng komunistang grupo sa nabanggit na lugar na nagresulta sa kanilang pagkahuli at pagkumpiska ng mga sumusunod na bagay: dalawang M16A1 rifle na may serial numbers na RP 137 984 at RP 208 389, dalawang M16 magazine (short), 40 piraso ng 5.56 mm live ammunition, tatlong backpacks na may lamang: dalawang granada, tatlong TNT HE, dalawang battery switch, isang rolyo ng detonating cord, dalawang piraso ng 40 mm HE, apat na piraso ng blasting caps, isang rifle grenade, tatlong piraso ng plastic box na naglalaman ng medical paraphernalia, isang piraso ng IED at isang pink pouch na naglalaman ng mga personal na gamit.
Patunay lamang na epektibo ang “Whole-of-the-Nation Approach to End Insurgency” sa ilalim ng EO 70 na nagpapatibay sa NTF-ELCAC gayundin sa walang tigil na pagsisikap ng AFP at PNP na tuldukan ang karahasan, terorismo at panlilinlang ng makakaliwang grupo na hadlang sa pagkamit ng kaayusan at kaunlaran ng ating inang bayan.
