Tacloban City – Arestado ng mga tauhan ng Tacloban City PNP ang tatlong ilegal na nangingisda sa baybayin ng Brgy Culasian, Capoocan, Leyte nito lamang Linggo, Agosto 21, 2022.
Kinilala ni Police Lieutenant Ibnohasan R Amilasan Jr, Officer-In-Charge ng Tacloban City Maritime Police Station ang mga naaresto na sina Jason Martiga Nicanir, Rizaldy Decatoria Mercolita at Ivan Mercolita Dimatangal.
Ayon kay PLt Amilasan Jr, habang nasa seaborn patrol ang mga tauhan ng Tacloban City MARPSTA at Capoocan Municipal Police Station sa pangunguna ni Police Major Dennis N Gatela, Acting Chief of Police, namataan nila ang isang Loaned Motor Banca na may pangalang “FBca Sto. Niño” na aktwal na nangingisda sa pamamagitan ng Ring Net operation na lokal na kilala bilang “KUBKUBAN”.
Ayon pa kay PLt Amilasan, matapos ang inspeksyon sa mga dokumento nito, nalaman ng operating team na ang tatlong fish workers nito ay walang lisensya na malinaw na paglabag sa Sec. 113 o “Fishing Vessel Operators Employing Unlicensed Fish Worker/Crew” ng RA 10654 ng Philippine Fisheries Code.
Sinisiguro naman ng Tacloban City PNP na patuloy silang magpapatrolya upang sa ganon ay maiwasan ang mga ganitong uri ng aktibidad sa ating mga baybayin.
###
