Timbog sa ikinasang buy-bust operation ng mga operatiba ng Cebu City Police Office (CCPO) ang isang High Value Individual at dalawang Street Level Individual sa Sitio Puntod, Alaska, Mambaling, Cebu City nito lamang ika-29 ng Enero 2024.
Kinilala ni Police Colonel Ireneo Barinas Dalogdog, City Director ng Cebu City Police Office, ang mga suspek na sina alyas “Rose”, 25; alyas “Erll”, 55; at alyas “Lee”, 54, pawang mga residente ng Sitio Puntod, Alaska, Mambaling, Cebu City.
Bandang 5:10 ng hapon ng ikinasa ng mga operatiba ng City Intelligence Unit at City Drug Enforcement Unit ng CCPO kasama ang Philippine Drug Enforcement Agency ang nasabing buy-bust operation.
Narekober mula sa mga suspek ang hinihinalang shabu na may kabuuang bigat na 10 gramo na may Standard Drug Price na Php68,000, buy-bust money, at isang floral coin purse.
Ang mga suspek ay pansamantalang nakakulong sa Cebu City Detention Facility at nahaharap sa kasong paglabag sa Section 5 at 11, Art II ng RA 9165 o Comprehensive Dangerous Drugs Act of 2002.
Ang Cebu City PNP ay patuloy sa pagsasagawa ng mga operasyon laban sa ilegal na droga at anumang uri ng kriminalidad sa tulong ng mamamayan para mapanatili ang maayos at payapang komunidad.
Panulat ni Pat Vherlene Marie M Macalino
