Arestado ng pulisya ang tatlong indibidwal nang makunan ng hinihinalaang shabu sa Purok Fire Tree, Barangay Sicsican, Puerto Princesa City, nito lamang ika-2 ng Pebrero 2025.
Kinilala ang mga naaresto na sina alyas “Rose”, 22 anyos, residente ng Barangay Sta Monica; alyas “Gerille”, 29 anyos, truck helper; at alyas “Eribert”, 25 anyos, residente ng Barangay Irawan.
Nabilihan ang mga ito ng isang (1) pakete ng shabu habang nakuha sa pangangalaga ni Gerille ang ilan pang pakete ng shabu at isang Honda Click white.
Mahaharap ang mga suspek sa kasong paglabag sa Republic Act 9165 o “Comprehensive Dangerous Drugs Act of 2002”
Ang pulisya ay masigasig sa kampanya kontro iligal na droga, ito ay magsisilbing paalala sa mga taong patuloy na gumagamit at nagbebenta ng iligal na droga na sila ay walang kawala sa batas.
Source: XFM Palawan
Panulat ni Patrolwoman Ana Rose D Guadaña
