Arestado sa isinagawang drug buy-bust operation ng mga tauhan ng Valencia City Police Station ang tatlong indibidwal kabilang ang isang menor-de-edad nito lamang gabi ng Pebrero 1, 2025 sa Purok 2, Sitio Buyog, Barangay Banlag, Valencia City, Bukidnon.
Kinilala ni Police Lieutenant Colonel Bryan M Panganiban, Officer-In-Charge ng Valencia City Police Station, ang mga suspek na sina alyas “Rick”, 20 anyos at residente ng Purok 2, Sitio Buyog, Barangay Banlag, Valencia City, Bukidnon; alyas “Boss”, isang 38 anyos na lalaki at residente ng Purok 2, Sitio Buyog, Barangay Banlag, Valencia City, Bukidnon.
Dagdag pa ni PLtCol Panganiban, kabilang sa mga naarestong suspek ay ang isang menor-de-edad na lalake na may edad na 15 anyos at residente ng Purok 2, Sitio Mansanto, Barangay Banlag, Valencia City, Bukidnon.
Nakuha sa mga suspek ang heat-sealed transparent plastic sachet na may kabuuang timbang na 6.7 gramo at may Standard Drug Price na Php45,560 at Php500 bill na ginamit bilang buy-bust money.
Hinikayat ni PLtCol Panganiban ang mga mamayan ng Valencia City na ipagbigay alam at makipagtulungan sa kapulisan kung may impormasyon tungkol sa mga ilegal na aktibidad sa kanilang lugar upang masuplong ang mga indibidwal na sangkot sa mga ilegal na gawain tungo sa kaayusan at kapayapaan ng nasasakupan.
