Nasakote ng mga otoridad ang tatlong High Value Individual sa isinagawang buy-bust operation na nagresulta sa pagkakakumpiska ng tinatayang Php607,000 halaga ng marijuana sa Barangay Bantug Bulalo, Cabanatuan City, Nueva Ecija nito lamang ika- 21 ng Marso 2025.
Ang naturang operasyon ay pinangunahan ng mga operatiba ng Cabanatuan City Police Station sa pamumuno ni Police Lieutenant Colonel Renato C Morales, Chief of Police.
Kinilala ang mga suspek na sina alyas “Wel” ng Barangay Bantug Bulalo at sina alyas “Athan” at alyas “Jar” ng Barangay Bitas, Cabanatuan City, Nueva Ecija.
Nahuli ang mga suspek na may dalang 5.06 kilo ng hinihinalang marijuana na tinatayang nagkakahalaga ng Php607,200 at iba pang non-drug evidence.
Nahaharap ang mga naarestong indibidwal sa kasong paglabag sa Republic Act 9165 o ang “Comprehensive Dangerous Drugs Act of 2002”.
Ang matagumpay na operasyong ito ng PNP ay isang matibay na pahayag na walang puwang ang iligal na droga sa Gitnang Luzon.
