Naaresto ang tatlong drug personalities at isang drug den ang nabuwag sa isinagawang buy-bust operation ng mga operatiba ng Valencia City Police Station katuwang ang Philippine Drug Enforcement Agency Regional Office 10 (PDEA RO10) sa Barangay Vintar, Valencia City, Bukidnon noong Mayo 31, 2025.
Kinilala ni Police Brigadier General Jaysen C De Guzman, Regional Director ng Police Regional Office 10, ang mga suspek na sina alyas Joseph, 39 taong gulang; alyas “Jake”, 37 taong gulang, binate; at alyas “Alejandre”, 67 taong gulang, may asawa at pawang mga residente ng Valencia City, Bukidnon.
Nakumpiska sa operasyon ang tinatayang 11.05 gramo ng hinihinalang shabu na may halagang humigit-kumulang Php78,200 at iba pang non-drug items.
Mahaharap ang mga suspek sa kasong paglabag sa Article II ng Republic Act 9165, o mas kilala bilang “Comprehensive Dangerous Drugs Act of 2002”.
Patuloy ang pagsasagawa ng PRO 10 ng mga operasyon upang sugpuin ang illegal na droga sa rehiyon at patuloy na makikipag-ugnayan at magpapasalamat sa mga mamamayan sa walang sawang pagsuporta sa kapulisan upang matiyak ang isang ligtas at payapang komunidad.
