Nakiisa ang mga tauhan ng Tarlac PNP sa Bloodletting Activity na isinagawa sa City Walk Activity Center, Barangay San Roque, Tarlac City nito lamang Lunes, ika-1 ng Hulyo 2024.
Ang aktibidad ay naging posible sa partisipasyon ng mga tauhan ng Tarlac Police Provincial Office sa pamumuno ni Police Colonel Miguel M Human, Provincial Director, sa pakikipag-ugnayan sa Philippine Red Cross, katuwang din ang mga Advocacy Support Groups, Force Multipliers at civilian volunteers.
Dumaan sa iba’t ibang screening ang mga donors upang masiguro ang kaligtasan pati ang mga benepisyaryo ng malilikom na dugo.
Ang nasabing aktibidad ay naglalayon na makatulong upang matiyak na ang mga stock ng dugo ay nananatiling sapat para sa mamamayan ng Tarlac.
Isang patunay na ang PNP ay handang tumulong at maglingkod sa ating mga kababayan sa pamamagitan ng pag-aalay ng kanilang dugo upang mabigyan ng pag-asa at dugtungan ang buhay ng mga nangangailangan.
Panulat ni Digna Jane Tenorio Malubay
