Nagsagawa ng Awareness Lecture ang Tarlac PNP na aktibong nilahukan ng mga miyembro ng Barangay Peacekeeping Action Team sa Barangay San Isidro, Tarlac City nito lamang Huwebes, ika-24 ng Enero 2025.
Pinangunahan ito ni Police Lieutenant Colonel Rommel M Santos, Chief of Police ng Tarlac City Police Station katuwang si Police Lieutenant Hilda Duran, WCPD officer.
Nagbigay ng kaalaman ang pulisya tungkol sa Republic Act 9262 o “Anti-Violence Against Women and their Children Act of 2004”, RA 9344 o “Comprehensive Juvenile Justice and Welfare Act”, BPATs duties and function at law enforcement procedures.
Kasabay nito, namahagi rin ang nasabing istasyon ng libreng flashlight sa mga BPATs, na makatutulong sa kanilang pang-araw-araw na tungkulin, lalo na sa pagsasagawa ng search and rescue operations at pagroronda sa gabi.
Layunin ng aktibidad na palakasin ang aksyon at kooperasyon sa pagkamit ng kaayusan, magkaroon ng sapat na kaalaman upang magampanan ang kanilang mga responsibilidad bilang tagapamayapa ng barangay at magkaroon ng progresibong pamumuhay ang bawat indibidwal sa hinaharap.
Patunay lamang na ang Pambansang Pulisya ay patuloy sa paghahatid ng serbisyo kontra kriminalidad upang magkaroon ng maayos at maunlad na bansa para sa sambayanang Pilipino tungo sa isang Bagong Pilipinas.
Panulat ni Pat Pearl Crystalynne Javier
