Matagumpay na idinaos ang ikasampung dekada ng National Day of Remembrance for the Sacrifice of the SAF 44 na may temang “Tapang na Walang Hanggan: Pag-alala sa Sakripisyo ng SAF 44 para sa kapayapaan” na ginanap sa Camp General Mariano N. Castañeda, Silang, Cavite nito lamang ika-25 ng Enero 2025.
Ang programa ay pinangunahan ng Philippine National Police (PNP) sa pamumuno ni Police General Rommel Francisco D Marbil kasama si Hon. Juanito Victor C. Remulla Jr., Secretary ng Department of Interior and Local Government (DILG) na nagsilbing panauhing pandangal at tagapagsalita at iba pang mga opisyales ng Pambansang Pulisya.
Sinimulan ang programa sa isang wreath-laying ceremony bilang parangal sa mga nasawing bayani. Nag-alay ng mga bulaklak si Gng. Julie N Cayang-o, biyuda ng yumaong si PCpl Gringo C. Cayang-o.
Binigyang-pugay naman ni PNP Chief Police General Marbil ang SAF 44, kanilang mga pamilya at mga kasama na ang kanilang sakripisyo ay isang makapangyarihang paalala ng halaga ng kapayapaan at katarungan. Habang inaalala natin ang kanilang kabayanihan, na muling nangangako na itataguyod ang mga prinsipyong kanilang ipinaglaban.
Nagtapos ang seremonya na may panibagong panata na parangalan ang pamana ng SAF 44 sa pamamagitan ng patuloy na paglilingkod at debosyon sa sambayanang Pilipino.
Photo Courtesy: OCPNP Page
Panulat ni Patrolwoman Angelica Rica S Teng
