Tanudan, Kalinga – Nakilahok ang mga tauhan ng Tanudan Municipal Police Station sa isinagawang Brigada Eskwela sa Magtoma National High School sa Tanudan, Kalinga nito lamang Martes, Agosto 16, 2022.
Ang aktibidad ay pinangunahan ni Police Executive Master Sergeant Eduard Banggawan, Municipal Executive Senior Police Officer (MESPO), katuwang ang mga guro, magulang, mag-aaral at force multipliers.
Layunin ng aktibidad na mabigyan ng ligtas, malinis at maayos na paaralan ang mga mag-aaral sa nalalapit na pagbabalik ng face-to-face class.
Ang Kalinga PNP ay patuloy na maghahatid ng serbisyo publiko sa mamamayan partikular sa mga kabataan at mag-aaral upang matiyak ang kaayusan, kalinisan at seguridad.
Source: Tanudan Municipal Police Station
###
