Cebu – Nakiisa ang mga tauhan ng Talisay Police Station sa isinagawang Mangrove Tree Planting sa Sitio Mahayahay Barangay Pooc, Talisay City, Cebu nito lamang ika-23 ng Abril 2023.
Ang aktibidad ay pinangunahan ni Police Lieutenant Colonel Randy Caballes, Chief of Police ng Talisay Police Station katuwang ang mga miyembro ng Coast Guard, LGU Talisay, Bantay Dagat at Barangay Officials.
Nasa 500 pares ng Mangrove Seedlings ang naitanim ng grupo sa naturang aktibidad na may temang “It’s time for Wetland Restoration” na pinangasiwaan ng Mt. Moriah Masonic Lodge No. 252.
Ang pagtatanim ng bakawan ay naglalayong ipahayag sa mamamayan ang kahalagahan ng pagtatanim at pagmamalasakit sa kapaligiran upang magsilbing proteksyon sa atin sa mga iba’t ibang posibleng dadating na mga sakuna katulad na lamang ng global warming at landslide.
