Dinalupihan, Bataan – Inilunsad ng Dinalupihan PNP ang talipapa project para sa mga katutubong Aeta sa Common Terminal, Barangay San Ramon, Dinalupihan, Bataan nito lamang Martes, Hulyo 5, 2022.
Ang nasabing proyekto ay pinangunahan ni Police Major Randy P Apolonio, Acting Chief of Police ng Dinalupihan Municipal Police Station at pinamunuan ni Police Colonel Romell A Velasco, Acting Provincial Director ng Bataan Police Provincial Office.
Ang nasabing proyekto ay may temang “Talipapa para sa mga Kapatid na Aeta Tulong Kabuhayan sa Panahon ng Pandemya”.
Ayon kay PMaj Apolonio, laking pasasalamat ng mga Aeta sa PNP sa oportunidad na mapansin ang kanilang produkto at matulungan silang maibenta sa mga residente ng nasabing lugar.
Dagdag ni PMaj Apolonio, layunin ng nasabing proyekto na mabigyan ang mga katutubong Aeta ng hanapbuhay para pantustos sa kanilang pang araw-araw na pangangailangan lalo na ngayong panahon ng pandemya.
Ang Pambansang Pulisya ay patuloy sa pagbibigay ng magandang serbisyo sa mga mamamayan at mapagtibay ang ugnayan ng PNP at ng komunidad.
Source: Dinalupihan Bataan PNP
###
Panulat ni Panulat ni PCpl Jeselle V Rivera
