Orion, Bataan – Inilunsad ng 2nd Provincial Mobile Force Company Bataan PNP ang Talipapa Project para sa mga katutubong Aeta sa Barangay San Vicente, Orion, Bataan ngayong Huwebes, May 26, 2022.
Ang nasabing proyekto ay pinangunahan ni Police Lieutenant Colonel Orlando Castil Jr, Force Commander ng 2nd PMFC Bataan at pinamunuan ni Police Colonel Romell Velasco, Acting Provincial Director ng Bataan Police Provincial Office.
Ang proyekto ay may temang “Talipapa para sa mga Kapatid na Aeta Tulong Kabuhayan sa Panahon ng Pandemya”.
Ayon kay PLtCol Castil Jr, laking pasasalamat ng mga katutubong Aeta sa PNP, sa oportunidad na mapansin ang kanilang produkto at matulungan silang maibenta sa mga residente ng nasabing lugar.
Dagdag ni PLtCol Castil Jr, layunin ng nasabing proyekto na mabigyan ang mga katutubong Aeta ng hanapbuhay para pantustos sa kanilang pang-araw-araw na pangangailangan lalo na ngayong panahon ng pandemya.
Ang Police Regional Office 3 ay patuloy sa pagbibigay ng magandang serbisyo sa mga mamamayan at mapagtibay ang ugnayan sa mga residente ng Central Luzon.
###
Panulat ni PCpl Jeselle V Rivera
