Bataan – Inilunsad ng 1st Provincial Mobile Force Company, Bataan PNP ang Talipapa Project para sa mga katutubong Aeta sa The Bunker, Balanga City, Bataan nito lamang Biyernes, Nobyembre 4, 2022.
Ang naturang proyekto ay may temang “Talipapa para sa mga kapatid na Aeta, Tulong Kabuhayan sa Panahon ng Pandemya.”
Ito ay pinangunahan ni Police Lieutenant Colonel Brownson Ollaging, Force Commander ng 1st Provincial Mobile Force Company ng Bataan Police Provincial Office katuwang ang Local Government Unit at Non-Governmental Organization.
Layunin ng nasabing proyekto na mabigyan ang mga katutubong Aeta ng hanapbuhay para pantustos sa kanilang pamilya at pang araw-araw na gastusin.
Ang Pambansang Pulisya ay patuloy sa pagbibigay ng magandang serbisyo sa mga mamamayan at mapagtibay ang ugnayan ng PNP at pamayanan.
Source: 1st PMFC, Bataan PPO
Panulat ni Police Corporal Jeselle Rivera/RPCADU 3
