Inilunsad ng 1st Bataan Provincial Mobile Force Company Bataan PNP ang Talipapa Project para sa mga katutubong Aeta sa Bayan ng Balanga, Bataan nito lamang Biyernes, Hunyo 17, 2022.
Ang nasabing proyekto ay pinangunahan ni Police Lieutenant Colonel Orlando L Castil Jr, Force Commander ng 1st Bataan PMFC at pinamunuan ni Police Colonel Romell Velasco, Acting Provincial Director ng Bataan Police Provincial Office.
Ang nasabing proyekto ay may temang “Talipapa para sa mga Kapatid na Aeta Tulong Kabuhayan sa Panahon ng Pandemya”.
Ayon kay PltCol Castil, laking pasasalamat ng mga Aeta sa PNP sa opurtunidad na mapansin ang kanilang produkto at matulungan silang maibenta sa mga residente ng nasabing lugar.
Dagdag ni PLtCol Castil, layunin ng nasabing proyekto na mabigyan ang mga katutubong Aeta ng hanapbuhay para sa pantustos sa kanilang pang araw-araw na pangangailangan lalo na ngayong panahon ng pandemya.
Ang Pambansang Pulisya ay patuloy sa pagbibigay ng magandang serbisyo sa mga mamamayan at mapagtibay ang ugnayan ng PNP at ng komunidad.
###
Panulat ni Police Corporal Jeselle V Rivera
