Misamis Oriental – Nakiisa ang Tagoloan PNP sa Higaonon Rituals kaugnay sa selebrasyon ng Higaonon Dance Presentation of Every Barangay sa Brgy. Rizal Park, Poblacion, Tagoloan, Misamis Oriental bandang 12:15 ng tanghali nito lamang Miyerkules, Pebrero 8, 2023.
Nakiisa sa naturang selebrasyon si Police Captain Enrique Dungog, Officer-In-Charge ng Tagoloan Municipal Police Station katuwang ang mga Higaonon lider ng 10 barangay.
Nagkaroon ng Higaonon rituals at nag-alay ng mga pagkain upang ipakita ang pasasalamat sa lahat ng biyayang natanggap sa nagdaang taon.
Samantala, bilang tanda ng magandang relasyon ay nag-alay din ng dasal ang Higaonon lider kay PCpt Dungog upang gabayan ito sa lahat ng desisyon at pamumuno sa kanyang nasasakupan na nagpapaigting ng ugnayan ng PNP at Higaonon Tribe upang mas mapalawak at mahikayat na suportahan ang iba’t ibang programa ng gobyerno tungo sa pagkamit ng isang maayos at maunlad na komunidad.
Panulat ni PSSg Grace Neville Ortiz
