Boluntaryong sumuko sa tanggapan ng 1502nd Maneuver Company, Regional Mobile Force Battalion 15 ang isang tagasuporta ng komunistang Teroristang Grupo sa Tadian, Mountain Province nito lamang ika-1 ng Marso 2024.
Ayon kay Police Colonel Sibly P Dawiguey Jr, Provincial Director ng Mountain Province Police Provincial Office, ang sumuko ay isang lalaki, Non-PSRTG Listed, businessman at residente ng Buguias, Benguet. Nag-umpisang naging tagasuporta ng NPA ang nasabing sumuko dahil sa pangungumbinsi ng isang dating lider ng NPA na nangangasiwa sa operasyon sa Benguet at Ifugao noong 2005, dagdah pa ni PCol Dawiguey Jr.
Ang nasabing pagsuko ay resulta ng masusing pagsisikap ng mga kapulisan kaisa ang iba pang ahensya ng gobyerno sa pangungumbinsi sa mga aktibong miyembro at tagasuporta ng CTG na tuluyang talikuran ang mapanlinlang na organisasyon at yakapin ang programang pangkapayapaan at tangkilikin ang benepisyo sa ilalim ng Enhanced Comprehensive Local Integration Program na inaalok ng pamahalaan.
Panulat ni PSSg Ermilinda Cacliong
