Boluntaryong nagbalik-loob ang isang tagasuporta ng Communist Terrorist Group (CTG) sa mga tauhan ng Dumalinao Municipal Police Station at 2nd Zamboanga Del Sur Provincial Mobile Force Company sa Purok Bolinao Barangay, Pantad Dumalinao, Zamboaanga del Sur nito lamang Hulyo 13, 2024.
Kinilala ang sumuko na si alyas “Bert”, 55 anyos, supporter ng CTG mula defunct GF KARA, WMRPC.
Nagsilbi rin bilang isang courier, look out at caretaker ng CTG.
Agad namang nakatanggap ng sako-sakong bigas ang sumuko mula sa pamahalaan at tiniyak na makakatanggap ng karagdagang tulong pangkabuhayan sa ilalim ng Enhanced Comprehensive Local Integration Program o (E-CLIP) ng gobyerno kabilang na ang pagkakaroon ng cash incentives, educational assistance at paglahok sa mga livelihood programs na magagamit sa pagbabagong buhay.
Ang pagbabalik-loob ng dating rebelde ay nagpapakita na ang ating gobyerno ay seryoso na wakasan ang insurhensiya at terorismo sa bansa upang makamit ang isang bayan na tahimik, mapayapa at maunlad tungo sa Bagong Pilipinas.
Panulat ni Patrolwoman Joyce Franco
