Tandag City – Nagsagawa ng Opening Program ang Surigao del Sur PNP bilang pakikiisa sa Police Regional Office 13 Taekwando Class for PNP Dependents na naganap sa Surigao del Sur Police Provincial Office, Multi-Purpose Hall, Camp Vicente L Pimentel Sr, Tandag City nito lamang Lunes, Hulyo 11, 2022.
Ang programa ay pinangunahan ni Police Lieutenant Colonel Jonathan Trojello, Officer-in-Charge ng Surigao del Sur Police Provincial Office katuwang si Police Lieutenant Colonel Emmanuel Guillermo, Deputy Provincial Director for Administration.
Tuturuan at sasanayin sa loob ng 24-araw at itatalagang mga yellow belter ang mga kalahok sa ilalim ng mga awtorisadong Philippine National Police Taekwondo Association (PNPTA) Instructor na sina Police Chief Master Sergeant Gideon Bautista at Police Corporal Garry Jones Pradas.
Layunin ng aktibidad na paghusayin ang pagkakaroon ng mga kalahok ng disiplina sa sarili at mabuo ang magandang pakikipag-ugnayan sa iba pang mga bata.
“Ang Taekwondo ay isang sports at magsisilbing daan upang ilihis ang atensyon ng ating mga kabataan sa mga teknolohiya at para ituon ang kanilang mga sarili sa produktibong aktibidad. Dagdag pa nito, sila ay matututo ng self-defense sa murang edad,” pahayag ni PLtCol Trojello.
###
Panulat ni Patrolman Jhunel Cadapan/ RPCADU13
