Isabela – Muling umarangkada sa pagsasagawa ng symposium sa barangay ang Santiago PNP Station 1 sa ilalim ng pamumuno ni Police Major Michael Ragual na ginanap sa San Andres, Santiago City, Isabela nitong ika-2 ng Oktubre 2023.
Katuwang sa aktibidad ang mga opisyal ng barangay kung saan tinalakay ang Gender-Based Violence, Crime Prevention Safety, kampanya laban sa ilegal na droga bilang suporta sa BIDA Program at anti-gambling law.
Naging matagumpay ang lecture na siyang sobrang ipinagpasalamat ng mga dumalong residente dahil sa mga bagong kaalaman na kanilang natutunan at malaking tulong umano ito para maibahagi din sa kanilang mga anak.
Layunin ng aktibidad na palawigin ang ugnayan ng kapulisan sa komunidad upang maipagpatuloy ang pagsupil sa mga krimen lalo na sa ilegal na droga.
Source: Station 1 Santiago, CPO
Panulat ni PSSg Jerlyn V Animos
