Tapaz, Capiz – Muling isinagawa ng Capiz PNP ang isang Outreach Program at Peace Advocacy Symposium nitong ika- 9 ng Setyembre 2022 sa Col. Patrocinio Artuz National High School sa Brgy. Taft, Tapaz, Capiz.
Pinangunahan ang nasabing aktibidad ng mga tauhan ng 602nd Company, Regional Mobile Force Battalion 6 sa ilalim ng pangangasiwa ni Police Major German R Magbanua III, katuwang ang 12th Infantry Battalion sa pamumuno ni 1st Lieutenant Dutch Herald Magot, (INF) PA at ng Tapaz Municipal Police Station sa pangunguna naman ni Police Major Leomindo S Tayopon.
Kabilang sa mga itinampok ang talakayan na may kaugnayan sa Adbokasiyang Pangkapayapaan, Anti-illegal drugs, Anti-Criminality campaign, at Insurgency Awareness.
Nagkaroon din ng feeding program para sa lahat ng mag-aaral na lumahok sa nabanggit na aktibidad
Ang PNP ay patuloy na magpapatupad ng mga hakbang upang imulat ang publiko partikular na ang kabataan sa kanilang mga karapatan upang maiwasan ang anumang uri ng pang-aabuso at mabigyan sila ng karagdagan pang kaalaman upang maiwasan na sila ay malinlang sa kahit sinumang mga kriminal.
