Santiago City, Isabela (February 1, 2022) – Natimbog ang suspek ng robbery hold-up sa Happy Go Shopping Center, Santiago City sa pinagsanib na hot-pursuit operation ng Santiago City Police Office, Echague Police Station at 86th Infantry Battalion ng Armed Forces of the Philippines sa isang liblib na lugar sa Brgy. Dicaraoyan, Echague, Isabela, noong Pebrero 1, 2022.
Kinilala ng awtoridad ang suspek na si Ernesto Fernando Antonio Jr, 39 anyos, may asawa, residente ng Purok 6 Nabbuan, Santiago City at Chief Maintenance Crew ng nasabing establisyimento.
Natunton ang suspek sa tulong ng isa sa mga ninakaw nitong cellular phone na may Global Positioning System (GPS) na siyang sinundan ng mga operatiba.
Narekober mula sa suspek ang perang nagkakahalaga ng Php144,000, tatlong (3) yunit ng cellular phone, at isang (1) itim na Honda click 150 mula sa bayaw nito.
Samantala, nahukay naman sa tulay ng Malini-Nabbuan sa lungsod ng Santiago ang isang (1) Smith and Wesson caliber .22 revolver na may serial number 411525 at may laman na limang (5) bala na ginamit niya noon sa naturang insidente.
Pinuri naman ni Police Colonel Reynaldo SG Dela Cruz, City Director ng Santiago City Police Office ang maagap na pagtugon at pagresolba ng mga kapulisan sa nasabing insidente.
Nahaharap ang suspek sa kasong Robbery with Intimidation at paglabag sa RA 10591 o Comprehensive Firearms and Ammunition Regulation Act kaugnay ng Omnibus Election Code of the Philippines.
####
Panulat ni PSSg Mary Joy D Reyes, RPCADU 2
Congrats sa mga kapulisan