Naaresto ng pulisya ang isa sa dalawang suspek na nagpanggap na bibili ng mamahaling motorsiklo dakong 10:30 ng gabi sa General Luna St., Barangay Ampid 1, San Mateo, Rizal nito lamang ika-9 ng Agosto 2024.
Ayon kay PLtCol Jonathan D Ilay, hepe ng San Mateo Municipal Police Station, nagkaroon ng online transaction ang biktima ang mga suspek na nagpanggap na buyer sa binebentang Yamaha XMAX na may plate number na 96QKY sa halagang Php215,000.
Sa kanilang pagkikita ay hiniling ng isang suspek na kinilalang si “Percival” na i-road test ang motor at naiwan na nakipagtransaksyon ang isang suspek na kinilalang si alyas “Chrisse”.
Ayon sa biktima hindi na umano bumalik si Percival at tinangay na ang motorsiklo kaya’t napilitan ang biktima na humingi ng tulong sa pulisya.
Sa agarang pagresponde ng pulisya ay nahuli ang isang suspek na si “Chrisse” at ito ay mahaharap sa kasong Estafa/Swindling.
Patuloy ang San Mateo PNP sa pakikipag-ugnayan at imbestigsyon para sa agarang paglutas ng kaso at mahuli ang kasabwat sa krimen.
