South Cotabato – Arestado ang suspek sa motornapping sa isinagawang operasyon ng Tupi Municipal Police Station sa Purok 1, Brgy. Polonuling, Tupi, South Cotabato nito lamang ika-14 ng Abril 2023.
Kinilala ni Police Major JS Pedrosa, Chief of Police ng Tupi Municipal Police Station, ang nadakip na si alyas “Reyes”, 27, at residente ng Purok 4A, Brgy. Koronadal Proper, Polomolok, South Cotabato.
Bandang 9:45 ng umaga nang tumawag sa istasyon ang biktima na si Joel Jordan na ninakaw ang kanyang motorsiklo at agad nagsagawa ng hot pursuit operation na nagresulta ng pagkaaresto ng suspek sa tulong ng isang informant.
Narekober sa suspek ang motorsiklo ng biktima na Bajaj motorcycle na may Plate No. MA 98077 at Chassis No. MD2A18AZ2EWE63854.
Ang naging mabilis na pag-aksyon ng Tupi PNP ay isang patunay na ang pulisya ay palaging handa na gampanan ang kanilang tungkulin na mapangalagaan ang komunidad
Panulat ni Patrolman Jerrald Gallardo/RPCADU12
