Angeles City – Patay ang suspek sa kasong Robbery matapos manlaban sa mga tauhan ng Mabalacat City Police Station sa 5416 Visayas Street Jaoville Compound, Brgy. Pandan, Angeles City nito lamang Huwebes, Mayo 26, 2022.
Kinilala ni Police Lieutenant Colonel Heryl Bruno, Chief of Police ng nasabing istasyon ang suspek na si Direk Castillo, nasa tamang edad, residente ng nasabing barangay.
Ayon kay PLtCol Bruno, ang suspek ay may kasong Robbery with Violence against Person at tinaguriang Top 1 Most Wanted Person ng Provincial Level.
Dagdag pa ni PCol Bruno, ihahain na sana nila ang Warrant of Arrest laban sa suspek subalit agad silang pinaputukan nito kaya nagkaroon ng palitan ng putok sa magkabilang panig at sa hindi inaasahan ay tinamaan ang suspek at natagpuan sa loob ng kanyang bahay na wala ng buhay.
Narekober sa pinangyarihan ng krimen ang isang 9mm pistol (Beretta) na siyang ginamit ng suspek laban sa otoridad.
Samantala, nananawagan naman ang PNP na mas makabubuti kung makipagtulungan na lang sa ating mga otoridad upang maiwasan ang mga ganitong pangyayari.
###
Panulat ni PCpl Jeselle V Rivera
