San Pablo City, Laguna – Arestado ang isang suspek sa paglabag sa RA 10591 sa isinagawang Search Warrant operation ng Laguna PNP nito lamang Huwebes, Setyembre 8, 2022.
Kinilala ni Police Lieutenant Colonel Jowie Lucas, Chief of Police ng San Pablo City Police Station, ang suspek na si Placido Mercado Calayag alyas “Edu”, 48, walang trabaho, residente ng Brgy. Sto. Niño, San Pablo City, Laguna.
Ayon kay PLtCol Lucas, bandang 7:22 ng umaga naaresto ang suspek sa Brgy. Sto. Niño, San Pablo City, Laguna ng pinagsanib na puwersa ng San Pablo City Police Station at 1st Manuever Platoon 3rd Laguna Provincial Mobile Force Company.
Narekober sa suspek ang isang Norinco caliber.45 pistol with serial number BB03758 11-246, isang black leather holster, dalawang caliber.45 magazine, isang black pouch, 21 na bala ng caliber 45, isang cal. 38 revolver at mga bala ng cal. 38.
Nahaharap ang suspek sa kasong paglabag sa section 28 ng Republic Act 10591 o Comprehensive Firearms and Ammunition Act.
Ang tagumpay ng PNP ay bunga ng magandang pakikipag-ugnayan ng pulisya sa mamamayan para mapanatiling ligtas at maayos ang komunidad.
Source: San Pablo City Police Station
Panulat ni Police Executive Master Sergeant Joe Peter Cabugon
