Nasugbu, Batangas – Arestado ang isang suspek sa carnapping sa isinagawang follow-up operation ng Nasugbu PNP nito lamang Huwebes, Hulyo 28, 2022.
Ayon kay Police Lieutenant Colonel Jephte Banderado, Acting Chief of Police ng Nasugbu Municipal Police Station, bandang 10:30 ng gabi nang personal na dumulog sa tanggapan ng pulisya upang ireport ang insidente ng biktimang si Trishadel Macatangay y Amorante, 27, cashier at Sean Luis Oriondo, witness, pawang mga residente ng Sitio Maligaya, Brgy. Bucana, Nasugbu, Batangas.
Agad umaksyon ang mga operatiba ng Nasugbu Municipal Police Station katuwang ang mga barangay tanod sa naturang lugar na nagresulta sa pagkahuli ni Armel Lagus y Adapon, 27, walang trabaho at residente ng Sitio Maligaya, Brgy. Bucana, Nasugbu, Batangas at narekober sa suspek ang Yamaha Mio I color matt orange.
Ang tagumpay ng PNP laban sa may pagkakasala sa batas ay bunga ng pinaigting na pakikipag-ugnayan at suporta ng mamamayan para mapanatiling ligtas, payapa at maayos ang komunidad.
Source: Batangas Police Provincial Office – PIO
Panulat ni Police Executive Master Sergeant Joe Peter Cabugon
