General Santos City – Isang lalaki ang naaresto sa lungsod ng General Santos matapos itong maharang sa GenSan PNP Checkpoint at makumpirma na nakaw ang minamaneho nitong motorsiklo sa Fil-Am Junction Road, Barangay Tambler, General Santos City nito lamang ika-21 ng Enero 2023.
Kinilala ni Police Major June Eric Deguito, Hepe ng GenSan Police Station 5, ang naarestong suspek na si Alyas “Abdulkahal”, 24, walang trabaho at residente ng Purok Kulasi, Barangay Labangal, General Santos City.
Ayon kay PMaj Deguito, nasakote ang suspek sa isang checkpoint ng wala itong maiprisinta na kaukulang dokumento ng kanyang minamanehong motorsiklo.
At ng binerepika ito ng mga otoridad, dito na napatunayan na ang motorsiklo ay tinangay sa Digos City kaya agad itong hinuli.
Narekober din mula sa suspek ang isang yunit ng OPPO android.
Agad ding tinurn-over ng GenSan PNP ang naturang suspek pati ang mga narekober na kagamitan sa Digos City Police Station para sa kaukulang disposisyon.
Panulat ni Patrolman Khnerwin Jay A Medelin
