Lapu-Lapu City, Cebu – Arestado ng PNP ang isang suspek na may Warrant of Arrest sa kasong Estafa sa Lapu-Lapu City noong umaga ng Huwebes, Hunyo 9, 2022.
Kinilala ng Force Commander ng 1st PMFS, CPPO, Police Lieutenant Colonel Dexter Maleza Calacar, ang naaresto na si Alvin Bajura, 38, residente ng Babag II, Lapu-Lapu City.
Ayon kay Police Lieutenant Colonel Calacar, nahuli si Bajura pasado ala-1:00 ng hapon sa magkatuwang na operasyon ng mga operatiba ng 1st-PMFC, CPPO, CPPO at CIDG Cebu City FU sa Park Place Pueblo De Oro, Babag II, Lapu-Lapu City.
Ayon pa kay Police Lieutenant Colonel Calacar, ang naturang Warrant of Arrest na namagtibay at naging daan sa pagkakaaresto ng suspek ay inisyu ni Hon. Presiding Judge Jonathan Lawas Saromines ng MTCC, 7th Judicial Region, Branch 8, Cebu City, noong Abril 19, 2022 at may rekomendadong piyansa na Php18,000 para sa panandaliang kalayaan ng akusado.
Tiniyak naman ng PNP na hindi sila hihinto sa paghahanap sa mga taong may pananagutan sa batas.
###
