Quiapo, Manila – Arestado ang isang suspek sa ikinasang hot pursuit operation ng Pambansang Pulisya nitong Oktubre 9, 2022 sa Quezon Bridge, Quezon Blvd. Quiapo, Manila.
Kinilala ni Police Brigadier General Narciso D Domingo, Director, PNP Drug Enforcement Group, ang suspek na si PMSg Rodolfo Bennag Mayo Jr, 48 anyos, operatiba ng Special Operations Unit NCR, PDEG, at residente ng Manggang Marikit, Guimba, Nueva Ecija.
Ayon kay PBGen Domingo, nahuli ang suspek ng pinagsamang operatiba ng PNP Drug Enforcement Group Intelligence and Foreign Liaison Division at Legal and Investigation Division katuwang ang Regional Drug Enforcement Unit NCRPO, Regional Drug Enforcement Unit 4A, Manila Police District Station 3, MPD Drug Enforcement Unit, at PDEA NCR.
Nakumpiska sa suspek ang mahigit kumulang 2-kilogram ng hinihinalang shabu na may estimated Standard Drug Price (SDP) na Php13,600,000; isang kulay silver na Montero Sport; isang PNP ID at PDEG ID; isang Beretta 9MM; at assorted bank accounts.
Agad namang dinala ang suspek at ang narekober na mga ebidensya sa Special Operations Unit 4A (SOU 4A), PDEG Office para sa karagdagan pang mga dokumentasyon.
Nahaharap naman ang suspek sa kasong paglabag sa RA 9165 o Comprehensive Dangerous Drugs Act of 2002.
Bahagi ang matagumpay na operasyon sa kampanya ng Pambansang Pulisya laban sa lahat ng uri ng mga ipinagbabawal na droga alinsunod sa peace and security framework nito na Malasakit at Kaayusan, na may layuning tiyakin ang kaligtasan at kapakanan ng lahat ng mamamayan.
