Iloilo City – Bilang bahagi ng pagpapaigting ng Police Regional Office 6 sa kampanya laban sa ilegal na droga, sumailalim sa surprise drug test ang mga tauhan nito na isinagawa mismo sa Regional Headquarters sa Maringgalang Lounge, Camp Martin Teofilo Delgado, Iloilo City, noong May 29, 2023.
Pagkatapos ng Flag Raising kahapon ay isinagawa ang naturang drug test na pinangunahan mismo ni Police Brigadier General Sidney Villaflor, Acting Regional Director ng PRO6 na sinundan ng mga miyembro ng Command Group, Chiefs of Personal at Regional Staff, at mga Hepe ng National Support Units.
Ayon kay Police Brigadier General Villaflor, ang naturang drug testing ay dapat isagawa upang masiguro na ang bawat tauhan, partikular na sa mga Police Officials na hindi sila sangkot sa anumang isyu sa ilegal na droga at malaya sa impluwensya ng ilegal na droga.
Ito nga ay isang hakbangin ng PRO6 upang mapahusay at mapaigting ang kampanya nito laban sa ilegal na droga sa Western Visayas.
Samantala, ang resulta ng drug test ay ilalabas din pagkatapos ng masusing eksaminasyon.
