Surigao del Norte – Namahagi ng relief goods ang Surigao del Norte PNP sa mga residenteng apektado ng baha sa Brgy. Villaflor, Gigaquit, Surigao del Norte nito lamang Martes, Disyembre 27, 2022.
Ang aktibidad ay pinangunahan ni Police Colonel Laudemer Laude, Officer-In-Charge ng Surigao del Norte Police Provincial Office, katuwang sina Police Lieutenant Colonel Tessiel Molet, Chief ng Provincial Community Affairs and Development Unit, Police Lieutenant Joseph Arcedilla, Chief ng Gigaquit Municipal Police Station, Barangay Captain Margarito Canda at KASIMBAYANAN Pastor Jun Guinit.
Naroon din ang PRO13 Officer’s Club at PNPA Cadets ng SINAG-LAWIN Class 2025 upang tumulong sa pamamahagi ng relief goods.
Patuloy naman ang pagbibigay tulong ng Surigao del Norte PNP sa mga residenteng naapektuhan ng tuloy-tuloy na malakas na pag-ulan sa naturang probinsya upang ipakita ng PNP ay kanilang kakampi sa pagbangon sa buhay.
Panulat ni Patrolman Jhunel Cadapan/ RPCADU13
