Boluntaryong nagbalik-loob sa pamahalaan ang isang supporter ng Communist Terrorist Group sa mga tauhan ng Josefina Municipal Police Station katuwang ang Zamboanga del Sur Provincial Intelligence Team at Regional Intelligence Unit 9 sa Purok 1 Hilltop Barangay Earlier, Josefina, Zamboanga del Sur nito lamang ika-15 ng Pebrero 2024.
Kinilala ni Police Major Juvic D Aballe, Acting Chief of Police ng Josefina MPS, ang nagbalik-loob na si alyas “Aicel”, 58 anyos, lalaki, at residente ng naturang lugar.
Nabatid na ang sumuko ay dating supporter at courier ng Hingpit Nga Organisadong Masa isang District Committee “Junick” ng Western Mindanao Regional Party Committee (WMRPC) at nagbalik-loob sa pamahalaan sa pagnanais na mamuhay ng maayos at tahimik kasama ang kanyang pamilya.
Agad naman itong nakatangap ng tulong pinansyal at isang sakong bigas.
Sa ilalim ng programa ni Pangulong Ferdinand Marcos Jr., na naglalayong sugpuin ang insurhensiya, ang Pambansang Pulisya ay patuloy na hinihikayat ang mga natitira pang miyembro at tagasuporta ng CTGs na magbalik-loob sa pamahalaan at samantalahin ang programa nitong E-CLIP o Enhanced Comprehensive Local Integration Program at magkaisa tungo sa isang Bagong Pilipinas.
Panulat ni Pat Joyce Franco
