Kusang nagbalik-loob sa gobyerno ang isang tagasuporta ng Community Front Organization sa pangunguna ng Naguilian PNP nito lamang ika-16 ng Oktubre 2024 sa Nagulian, La Union.
Ang pagbawi ng suporta ng naturang indibidwal ay naganap matapos ang patuloy na pangungumbinsi ng Naguilian PNP katuwang ang La Union Provincial Intelligence Unit, Technical Support Company – Regional Mobile Force Battalion 1, at Regional Intelligence Unit – Provincial Intelligence Team na bumalik na sila sa kanilang mga pamilya.
Napagtanto din nito na mas mabuting gamitin ang kanyang oras kapiling ang kanyang mga mahal sa buhay.
Samantala, patuloy naman ang Pambansang Pulisya ng Pilipinas sa paghikayat sa mga natitira pang miyembro at tagasuporta ng Communist Front Organizations at Communist Terrorist Group na bumalik na sa kanilang pamilya upang makapamuhay ng masaya at ligtas.
Source: Naguilian Municipal Police Station
Panulat ni Patrolman Viljon Anthony Comilang
