Nagsagawa ng Supplemental Feeding activity ang Santiago PNP Station 4 sa pangunguna ni PEMS Rodrigo Saculles sa Batal Elementary School, Batal, Santiago City noong ika-29 ng Nobyembre 2022.
Katuwang ang kanilang Advisory Group at mga AKHRO Group ng lungsod sa pagsasagawa ng naturang aktibidad.
Makikita ang galak at sigla ng mga mag-aaral kaya naman hindi magsasawa ang kapulisan ng nasabing lungsod sa pagbibigay ng serbisyo na nakakatulong sa mamamayan.
Layunin ng aktibidad na ito na makapagbahagi ng tama at sapat na pagkain sa mga bata para sa kanilang isinasagawa na Daily Nutrition sa paaralan at maiparamdam na ang kapulisan ay laging nakaagapay sa komunidad.
Source: Police Station 4, Santiago City
Panulat ni PSSg Jerlyn V Animos
