Umabot sa 49 na miyembro ng Northern Mindanao PNP ang nakiisa sa Stress Management Lecture ng Regional Medical and Dental Unit 10 na ginanap sa Cagayan de Oro City Police Office ngayong umaga ng ika-9 ng Oktubre 2023.
Ito ay inisyatibo ng RDMU 10 sa pangangasiwa ni Police Colonel Michelle Arban, Chief, Regional Medical and Dental Unit 10.
Isa isang tinalakay ng RMDU 10, ang mga pangunahing dahilan ng stress at depresyon at kung ano ang mga epekto nito hindi lang sa pag-iisip kundi pati na rin sa kalusugan ng dumaranas nito.
Layunin nito na mapagaan ang nararamdaman ng mga awtoridad sa mga panahon na dumadaan sa mabigat na suliranin.
Patuloy ang Police Regional Office 10 sa pagsasagawa ng ganitong uri ng aktibidad upang masigurong maayos ang mental health, nang sa gayon ay maipagpatuloy ang maayos na serbisyo sa mamamayan.
Panulat ni Patrolman Edwin Baris
