Bohol – Arestado ng mga tauhan ng Panglao Police Station ang isang lalaking kabilang sa Street Level Individual watch list kasunod ng inilatag na anti-drug bust operation sa Purok 6, Brgy. Libaong, Panglao, Bohol noong Hunyo 13, 2023.
Kinilala ni Police Major Andie Liquit Corpus, Chief of Police ng Panglao Police Station, ang nadakip na si “Joey”, 31, residente ng Purok 7, Brgy. Tinago, Dauis, Bohol.
Ayon kay PMaj Corpus, dakong alas-12:15 ng madaling araw nitong Martes ng arestuhin ng mga awtoridad ang suspek makaraang mapagbentahan ng droga ang nagpanggap na poseur buyer.
Kabilang sa mga nakumpiska mula sa suspek ang nasa 10 gramo ng shabu na nagkakahalaga ng Php68,000; isang unit na OPPO Cellphone; isang Suzuki Sky Drive Sport Motorcycle; isang black wallet; at ang nagamit na buy-bust money.
Nahaharap ang suspek sa reklamong paglabag sa RA 9165 o Comprehensive Dangerous Drugs Act of 2002.
Ang matagumpay na operasyon ay indikasyon ng walang humpay na pagsasakatuparan ng kapulisan sa kampanya nito kontra ilegal na droga at sa lahat ng uri ng kriminalidad tungo sa pagkamit ng isang maayos, payapa, at ligtas na lipunan.
