Pangasinan – Timbog ang isang Street Level Individual sa ikinasang Anti-Illegal Drug buy-bust operation ng mga tauhan ng Dagupan City Police Station sa pakikipag-ugnayan sa Philippine Drug Enforcement Agency-Regional Office 1 nitong Sabado, ika-4 ng Pebrero 2023.
Kinilala ni Police Lieutenant Colonel Vicente Castor Jr., Hepe ng Dagupan City Police Station, ang suspek na si Jomar Caragay Jimenez, 37, at residente ng Brgy. Lasip, Calasiao, Pangasinan.
Ayon kay PLtCol Castor, nakumpiska mula sa suspek ang dalawang maliliit na heat-sealed transparent plastic sachets na may lamang white crystalline substance na pinaniniwalaang shabu at tinatayaang nagkakahalaga ng Php6,800.
Nakumpiska rin mula sa suspek ang isang Php500 at anim na pirasong photocopied na Php1000 na boodle money.
Patuloy na gagampanan ng Pambansang Pulisya ng Pilipinas ang kanilang mandato para malinisan ang lahat ng barangay na apektado ng droga sa bansa at magsagawa ng “No Let Up Operations” laban sa mga personalidad ng ilegal na droga para tuluyang malansag ang mga sindikato nito.
Source: Dagupan City Police Station
Panulat ni PSSg Bader Ceasar B. Ayco
