Timbog ang isang Street Level Individual sa ikinasang joint buy-bust operation ng Valencia City Police Station – City Drug Enforcement Unit kasama ang Provincial Intelligence Unit BUKPPO, at RPDEU 10 sa Barangay Poblacion, Valencia City, Bukidnon nito lamang Mayo 15, 2025.
Kinilala ni Police Lieutenant Colonel Bryan Panganiban, Hepe ng Valencia City Police Station, ang suspek na si alyas “Bulaw”, lalaki, 18 anyos, walang asawa, walang trabaho, at residente ng nasabing lugar.
Sa ikinasang operasyon ay nakumpiska ang dalawang pakete ng marijuana, isang cellphone at isang Php500 bill na ginamit bilang buy-bust money.
Nahaharap ang suspek sa kasong paglabag ng Republic Act 9165 o “Comprehensive Dangerous Drugs Act of 2002”.
Patuloy ang PNP sa pagtugis sa mga taong may sala sa batas at ilagay sa likod ng rehas.
