Timbog ang isang Street Level Individual sa isinagawang buy-bust operation ang Tacurong City PNP sa Barangay Poblacion, Tacurong City, Sultan Kudarat nito lamang Mayo 17, 2024.
Ayon kay Police Lieutenant Colonel Bryan Gambot Bernardino, Chief of Police ng Tacurong City Police Station, kinilala ang suspek sa alyas na “Toto”, 40 anyos, may asawa, Construction Worker at residente ng nasabing lugar.
Ayon kay PLtCol Bernardino, bandang alas 2:20 ng hapon nang magsagawa ng buy-bust Operation sa pagsanib pwersa ng mga awtoridad sa pangunguna ng Tacurong City Police Station katuwang ang RID 12 TrackerTeam Delta, SKPIU at 1st SKPMFC dahilan ng pagkakaaresto kay alyas “Toto”.
Nakumpiska mula sa suspek ang tatlong pekete ng hinihinalang shabu, isang disposable lighter, isang telepono, isang Rusi na motorsiklo, at isang Php1,000 bill bilang buy-bust money.
Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Patuloy ang ating mga kapulisan sa pagpapatupad ng mga programa kontra kriminalidad sa bansa upang mabigyan ng maayos ang payapang pamumuhay ang ating mamamayan tungo sa Bagong Pilipinas.
Panulat ni Pat Emelou Pedroso
