Timbog ang isang Street Level Individual sa ikinasang buy-bust operation ng pulisya sa Barangay 62-B Sagkahan, Tacloban City nito lamang ika-06 ng Mayo 2025.
Kinilala ni Police Captain Sheila Rea B Dagami, Officer-In-Charge ng Tacloban City Police Station 1, ang suspek na si alyas “Reynald”, 47 anyos, tricycle driver at residente ng Barangay 62-B Sagkahan, Tacloban City.
Bandang 10:28 ng gabi nang ikasa ang operasyon ng mga tauhan ng Tacloban City Police Station 1 sa koordinasyon sa Philippine Drug Enforcement Agency 8.
Narekober sa suspek ang siyam (9) na pakete ng hinihinalang shabu na may tinatayang timbang na 20 gramo na nagkakahalaga ng Php136,000, isang genuine 500-peso bill na ginamit bilang buy-bust money at isang pouch.
Mahaharap ang suspek sa kasong paglabag sa Section 5 at 11 Article II ng Republic Act 9165 o “Comprehensive Dangerous Drugs Act of 2002”.
Patuloy na pinaigting ng Pambansang Pulisya ang kampanya laban sa ilegal na droga at iba pang uri ng krimen upang matiyak ang kaligtasan at seguridad ng mamamayan, tungo sa mas ligtas at drug-free na lipunan.
Panulat ni Patrolwoman Ma. Elena B Singian
