Kalaboso ang isang Street Level Individual sa ikinasang buy-bust operation ng mga operatiba ng Tacloban City PNP sa Barangay 91, Abucay, Tacloban City nito lamang Enero 10, 2025.
Kinilala ni Police Captain Denver E Gabitan, Officer-In-Charge ng Tacloban City Police Station 2 ang suspek na si alyas “Junjun”, 44 anyos at residente ng Barangay 83-A, San Jose, Tacloban City.
Bandang 6:07 ng gabi nang ikasa ang operasyon ng mga tauhan ng Tacloban City Police Station 2- Station Drug Enforcement Unit sa koordinasyon sa Philippine Drug Enforcement Agency 8.
Nakumpiska mula sa suspek ang limang pakete ng hinihinalang shabu na may tinatayang timbang na 5 gramo na nagkakahalaga ng Php34,000, isang genuine 500-peso bill kasama ang isang pirasong 1,000-peso bill na ginamit bilang buy-bust money at isang coin purse.
Mahaharap ang suspek sa kasong paglabag sa Section 5 at 11 Article II ng Republic Act 9165 o :Comprehensive Dangerous Drugs Act of 2002″.
Patuloy ang Tacloban City PNP na magsasagawa ng mga operasyon upang linisin ang komunidad laban sa ilegal na droga at iba pang uri ng krimen upang matiyak ang kaayusan at kaligtasan sa ating bansa.
Panulat ni Patrolwoman Ma. Elena B Singian
