Timbog ang isang Street Level Individual sa ikinasang buy-bust operation ng mga operatiba ng Tacloban City PNP sa Barangay 105, Suhi, Tacloban City nito lamang Oktubre 04, 2024.
Kinilala ni Police Major Juan Eliezer A Abellon, hepe ng City Drug Enforcement Unit, Tacloban City Police Office, ang suspek na si alyas “Lili”, 56 anyos at residente ng Barangay 96, Calanipawan, Tacloban City.
Bandang 10:45 ng gabi ng ikasa ang operasyon ng mga tauhan ng City Drug Enforcement Unit-Tacloban City Police Office sa koordinasyon sa Philippine Drug Enforcement Agency 8.
Narekober sa suspek ang 4 na pakete ng hinihinalang shabu na may tinatayang timbang na 25 gramo na nagkakahalaga ng Php170,000, isang genuine 500-peso bill na ginamit bilang buy-bust money at isang coin purse.
Mahaharap ang suspek sa kasong paglabag sa Section 5 at 11 ng Article II ng Republic Act 9165 o “Comprehensive Dangerous Drugs Act of 2002”.
Ang matagumpay na operasyon ay bunga ng pagpapaigting ng Tacloban City PNP katuwang ang iba pang ahensya ng gobyerno sa kampanya laban sa ilegal na droga upang matiyak ang kaayusan at kapayapaan sa nasasakupan. Dahil sa Bagong Pilipinas ang gusto ng pulis ligtas ka!.
Panulat ni Patrolwoman Ma. Elena B Singian
