Kalaboso ang isang Street Level Individual sa ikinasang buy-bust operation ng mga operatiba ng pulisya sa Barangay Ipil, Ormoc City nito lamang ika-14 ng Disyembre 2024.
Kinilala ni Police Major Omar Roel B Cartalla, Station Commander ng Ormoc City Police Station 6, ang suspek na si alyas “Tecia”, 48 anyos, vendor at residente ng Barangay Tambulilid, Ormoc City.
Bandang 4:15 ng madaling araw nang ikasa ang operasyon ng mga tauhan ng Ormoc City Police Station 6 sa koordinasyon sa Philippine Drug Enforcement Agency 8.
Nakumpiska sa suspek ang 2 pakete ng hinihinalang shabu na may tinatayang timbang na 4.82 gramo na nagkakahalaga ng Php32,776, isang 500-peso bill na marked money, isang 1,000-peso bill na ginamit bilang bogus money at isang coin purse.
Mahaharap ang suspek sa kasong paglabag sa Section 5 at 11 Article II ng Republic Act 9165 o “Comprehensive Dangerous Drugs Act of 2002”.
Patuloy ang Pambansang Pulisya sa kampanya laban sa ilegal na droga at iba pang uri ng krimen upang mapanatili ang maayos, ligtas, at maunlad na Bagong Pilipinas.
Panulat ni Patrolwoman Ma. Elena B Singian
