Timbog ang isang Street Level Individual sa ikinasang buy-bust operation ng mga operatiba ng Leyte PNP sa Barangay San Benito, Dagami, Leyte nito lamang Pebrero 17, 2025.
Kinilala ni Police Lieutenant Rameses S Bardillon, Chief ng Leyte Provincial Drug Enforcement Unit, ang suspek na si alyas “Joynis”, 31 anyos, magsasaka at residente ng Barangay San Benito, Dagami, Leyte.
Bandang 4:10 ng hapon nang ikasa ang operasyon ng mga tauhan ng Leyte Police Provincial Office – Provincial Drug Enforcement Unit, kasama ang Dagami Municipal Police Station sa koordinasyon sa Philippine Drug Enforcement Agency 8.
Nakumpiska mula sa suspek ang apat (4) pakete ng hinihinalang shabu na may tinatayang timbang na 4.07 gramo na nagkakahalaga ng Php27,676, isang genuine 500-peso bill na ginamit bilang buy-bust money at isang skittles candy container.
Mahaharap ang suspek sa kasong paglabag sa Section 5 at 11 Article II ng Republic Act 9165 o “Comprehensive Dangerous Drugs Act of 2002”.
Ang matagumpay na operasyon ay bunga ng pagpapaigting ng Pambansang Pulisya at iba pang ahensya ng gobyerno sa kampanya laban sa ilegal na droga para matiyak ang kaayusan at kapayapaan sa nasasakupan. Dahil sa Bagong Pilipinas, ang gusto ng pulis, ligtas ka!.
Panulat ni Patrolwoman Ma. Elena B Singian
