Nahuli ang isang Street Level Individual sa isang matagumpay na buy-bust operation kontra-iligal na droga sa Abellanosa St. Brgy. Consolacion, Cagayan De Oro City noong Setyembre 28, 2021.
Bandang 2:10 ng hapon, nahuli ang suspek sa pinagsamang pwersa ng CDOC PS2-SAID na pinangunahan ni PCpt Ernesto Miranda Sanchez, Station Commander at ng PDEA 10.
Nakilala ang suspek na si Delon L y G, 39 taong gulang, walang asawa, at residente ng Barangay Consolacion, Cagayan De Oro City.
Nakuha mula sa suspek ang isang (1) piraso ng maliit na sachet ng hinihinalang shabu at Php500 na marked buy-bust money na may serial number FT848506.
Nakumpiska rin sa posesyon ng suspek ang tatlong (3) piraso ng maliit na sachet na shabu na may kabuuang halaga ng DDB na Php3,400.
Ang imbentaryo ng mga nasamsam na ebidensya ay ginawa sa presensya nina Robert Bolong, Barangay Kagawad ng Barangay Consolacion, Cagayan De Oro City at Menzie Montes ng i-FM Radio.
Ang suspek ngayon ay kasalukuyang nasa kustodiya na ng nasabing stasyon para sa tamang disposisyon.
####
Article by: NUP Sheena Lyn M Palconite – RPCADU 10
