Tacloban City – Arestado ang isang Street Level Individual sa isinagawang drug buy-bust operation ng Tacloban City Police Office sa Brgy. 91, Abucay, Tacloban City nitong ika-26 ng Hulyo 2023.
Kinilala ni Police Colonel Michael Palermo, City Director ng TCPO ang naaresto na si alyas “Hapon”, 29, walang trabaho, at residente ng Barangay 37 Reclamation area, Tacloban City.
Narekober ng mga operatiba ng TCPO – City Drug Enforcement Unit sa pangunguna ni Police Captain Anthony-Re B Amora, Chief CDEU sa suspek ang may tinatayang timbang na humigit kumulang 5 gramo ng hinihinalang shabu na nagkakahalaga ng Php4,500.
Nahaharap ang nahuling suspek sa kasong paglabag sa Sec. 5 Art. II of RA 9165 o Comprehensive Dangerous Drugs Act of 2002.
Ang walang humpay na operasyon laban sa ilegal na droga ay isang manipestasyon na seryoso ang Tacloban City PNP sa adbokasiya nito sa pagbabawas ng suplay ng droga sa rehiyon at alinsunod sa BIDA (Buhay Ingatan, Droga’y Ayawan) Program ng DILG.
