Arestado ang itinuturing na Street Level Individual matapos mahulihan ng ilegal na droga at armas sa isinagawang drug buy-bust operation sa Purok 2, Brgy. Talubangi, Lungsod ng Kabankalan, Negros Occidental bandang alas-4:55 ng umaga, Lunes, Disyembre 11, 2023.
Kinilala ni PLtCol John Joel Batusbatusan, Hepe ng Kabankalan Component City Police Station, ang suspek sa alyas na “Julius”, 49, may asawa, walang trabaho, at residente ng Prk. San Roque, Brgy. Handuman, Bacolod City.
Ayon kay PLtCol Batusbatusan, nakumpiska sa suspek ang siyam na pakete ng pinaghihinalaang shabu na may timbang na 9 na gramo at nagkakahalaga ng Php61,200.
Bukod sa pinaghihinalaang shabu, nakuha rin ang buy-bust money, isang unit ng cal .38 revolver na walang serial number, at tatlong bala ng nabanggit na armas.
Nahaharap ang suspek sa kasong paglabag sa RA 9165 (Comprehensive Dangerous Drugs Act of 2002) at RA 10591 (Comprehensive Firearms and Ammunition Regulation Act).
Ang matagumpay na operasyon ay bunga ng mas pinaigting na kampanya ng PNP kontral ilegal na droga.
